Grondezza da scrittira : 


Cuntrast : 

Uffants

Uffants en la Chasa da dunnas

Il bainstar e la protecziun dals uffants han emprima prioritad. Ils uffants han il dretg ad ina vita senza violenza ed a schanzas da svilup saunas.

Cussegliaziun da mamma ed uffant

Ils uffants pon ir a scola, a scolina u en la gruppa da gieu. Il team sustegna ils uffants da concepir lur temp liber entaifer ed ordaifer la Chasa da dunnas. Nus cussegliain ils uffants co ir enturn cun la tema da separaziun e cun sentiments da culpa. Nus gidain a sviluppar relaziuns senza violenza cun ils fragliuns e cun la mamma. Nus sustegnain ils uffants d’elavurar lur experientschas da violenza e da sviluppar la conscienza da sasez.

Dretg da tgira e da visita

Nus sustegnain mammas ed uffants en process da separaziun e durant visitas. Nus sensibilisain e cumprovain quant involvids ch’èn ils uffants. Ils basegns dals uffants da vesair il bab vegnan resguardads. Dis da visita accumpagnads pon vegnir organisads, sch’il privel è supportabel.

Noss princips

Pedagogia da traumas: Uffants dovran in lieu segir per pudair sviluppar confidenza en ina relaziun. Els obtegnan la pussaivladad da classifitgar quai ch’è succedì.

Dretgs dals uffants: Mintga uffant ha il dretg ad ina vita senza violaziun. El ha il dretg da palesar libramain sia opiniun. Nus resguardain la veglia dals uffants ed ans stentain d’als represchentar a moda duida (p.ex. en cas da proceduras giudizialas).