Agid e sustegn
En general
Mintga dunna po esser pertutgada da violenza: dunnas da tut las vegliadetgnas, da tut las gruppas socialas e da tut las culturas.
La Chasa da dunnas porscha protecziun, agid e cussegliaziun a Vus e Voss uffants. Sche Vus avais cumplenì Voss 16avel anniversari ed essas pertutgada da violenza en famiglia u d’ina maridaglia sfurzada, pudais Vus medemamain As drizzar a nus. I dat numerusas vias differentas per mitschar da la violenza. Tuttina sco che Vus As decidais, Vus pudais quintar cun noss sustegn.
Cussegliaziun ambulanta
Nus essan cuntanschibels da tuttas uras sut 081 252 38 02. Telefonai a nus. Nus tadlain tge che Vus avais da dir. Nus infurmain Vus davart las pussaivladads giuridicas. Nus sustegnain Vus d’elavurar experientschas da violenza. Nus gidain a chattar strategias da soluziun. Nus sustegnain Vus en dumondas da l’educaziun. Nus intermediain purschidas d’agid cuntinuantas. Era persunas pertutgadas che na basegnan nagin albiert, parents e terzas persunas pon sa drizzar a nus. Nus cussegliain persunalmain, via telefon, sms u e-mail. A moda gratuita ed anonima.
Albiert e protecziun
Vus chattais tar nus in albiert temporar assistì cun in aut standard da segirezza. Nus sustegnain Vus da prender ina decisiun e da la realisar. Nus accumpagnain Vus en cas da basegn tar uffizis, autoritads, advocats u tar la polizia.
Suenter l'extrada
Era suenter Voss segiurn en la Chasa da dunnas pudais Vus dumandar nus per agid.
Prender cun Vus
Las suandantas chaussas duessas Vus sche pussaivel prender cun Vus:
- vestgadira
- documents persunals
- cartas d’identitad
- documents da la banca e d’assicuranza
- ils termagls preferids dals uffants
- medicaments impurtants
Activitads, propostas e metodas
Per nus èsi impurtant da sclerir ils basegns da las dunnas e dals uffants. Intginas da nossas propostas e purschidas en chasa èn:
- cussegliaziun cun metodas creativas
- purschidas en gruppas
- moviment ed autodefensiun
- cussegliaziun ludica cun uffants