Davart nus
La vita en la Chasa da dunnas
Las clientas:
- Abitan sulettas cun lur uffants en ina chombra, decidan sezzas davart lur decurs dal di
- Decidan sezzas davart lur decurs dal di
- Fan sezzas cumissiuns e cuschinan sezzas
- Pon restar en la Chasa da dunnas uschè ditg ch’ellas dovran protecziun e fin ch’è pussaivel in return u ina nova entschatta
Il team:
- Sustegna Vus da chattar ina decisiun e da la realisar
- Accumpogna Vus u intermediescha visitas tar uffizis, autoritads, advocats u tar la polizia
- Cusseglia en cas da consequenzas psichicas e corporalas da chargias
- Sustegna en cas d’ina nova entschatta
- Era suenter il segiurn en la Chasa da dunnas
Il team da notg e da la fin d'emna
Nus garantin d’esser cuntanschibels telefonicamain e da porscher cussegliaziun era durant la notg, las fins d’emna ed ils firads. Nus sustegnain las abitantas e las gidain a concepir las sairas e las fins d’emna. Nus distgargiain las abitantas cun ans gidar en la tgira d’uffants ed en il tegnairchasa.
Il team dal di
Persunas qualifitgadas da la lavur sociala e la pedagogia dattan sustegn e cussegliaziun en cas da dumondas giuridicas, finanzialas e socialas. Ils uffants vegnan sustegnids ed obtegnan accumpagnament pedagogic-social.
Lavur da publicitad
Referats e cussegliaziuns dal fatg èn ulteriurs champs d’incumbensas. Per scolas purschain nus lavuratoris davart la violenza en relaziuns da giuvenils e da pèrs.
Noss princips
- En favur dals flaivels:
Noss team s’engascha per ils interess da las dunnas e dals uffants, represchenta lur posiziun envers anora e sustegna els da realisar lur dretgs. - A moda anonima:
Las dunnas pon vegnir cussegliadas a moda anonima. Las infurmaziuns vegnan tractadas a moda confidenziala. - Nunbirocraticamain:
Las dunnas obtegnan sustegn, independentamain da lur naziunalitad e tuttina sch’ellas disponan da daners, documents e mussaments per lur violaziuns. - Agid per gidar sasez:
Il team ha la finamira da rinforzar l’autodeterminaziun e l’independenza da las dunnas. - Accessibladad senza barrieras:
Nossa chasa è accessibla per dunnas en sutga cun rodas. Nus resguardain basegns spezials ed organisain interpretas da linguas da segns, servetschs da transport, assistenzas, sustegn medicinal ubain meds d’agid per dunnas ed uffants cun impediments.
L'organisaziun / la fundaziun
La purtadra da la Chasa da dunnas è la Fundaziun Chasa da dunnas dal Grischun. La finamira da la fundaziun è da manar ina chasa da dunnas e da promover tut ils sforzs per proteger dunnas ed uffants smanatschads psichicamain u fisicamain.
Rapport annual